اسئله لا تجد اجابه..!!

ليش ..كلمه يتغافل عنها البعض والبعض الاخر يتناسى هذه الكلمه..ولا اعلم لماذا....والكل يجهل ما لها من قيمه وفائده...!!
فكل واحد لو سال نفسه قبل اتخاذ اي قرار او اي تصرف هذي الكلمه لوجد حل لكل مشكله ...!!
ومابي اطول عليكم بس حبيت اسالكم جم سوال دايم يخطرون على بالي ولحد الحين ما لقيت لهم جواب ..
واتمنى منكم الافاده ؟؟
1-ليش لما نروح مطعم ما نشرب العصير كله نخلي شويه؟؟لحد يقول من الاتيكيت ..لاني سالت قالوا كلش ماله شغل بالاتيكيت ..!!
2-ليش الشباب دايم يسولفون عن الماركات(غوتشي-شانيل-جيس)ويطنزون على فلان وعلان واهم ما يلبسون الا من المخازن والعدساني؟؟..الانسان مو بمظهره الانسان بفلوسه :)لالا بمعدنه
3-ليش البنات دايم يقولون نبي نتزوج عن قصه حب والا ما اتزوج واهم اصلا مخطوبين حق عيال عمهم من زمان اصلا؟؟..مو غصب تحبين ..!!يا جوليت خانم J
4-ليش لما تطيح او تتعور تقول يمه ما تقول يبه؟؟..عاد انا ما اقول شي يمكن لاني قوي وايد J
5-ليش لما ندش المرينا نشم ريحه جيل ومكياج تكفخ الخشم ؟؟..وبعدين يقولون مفلسين والبوك ما يه ولا فلس ..اكيد
6-ليش البنات وايد يجذبون و المشكله انه الجذب يعني خوف والمشكله الاكبر انهم ما يخافون؟؟يما يما يما منكم انتووو يا بنات حواء
7-؟؟ليش الشباب والبنات يغارون من المشهورين(الممثلين -المذيعين-المطربين)ويقولون عنهم وع وع ..موحاصلهم ..والي ما يطول العنب شيقووول يا حلوين ؟؟J
8-؟؟ليش لما نقول حق البنات حليمه بولند او حصه اللوغاني حلوة يعصبون ويقولون ووع الله يخلي المكياج والمشكله انهم ماكو نوع مكياج مو موجود بغرفهم وماكو صالون بالكويت ما يروحونه وهم ماكو فايدهJمو كلهم في بعضم حلوين J
9-ليش بالكويت الحين الصبي والبنت الي ما يكلمون يقولون عنهم معقديـــــــن؟؟يا حبكم حق الخراب J
10-ليش البنات يقولون احنا ما يهمنا الشكل اهم شي الاخلاق..ولما تترقم تاخذ رقم الي يسوق او الي يمه او الي قاعد ورى..ممكن اعرف على اي اساس احكمت انه اخلاقه زينه؟؟(سيمائهم في وجوهم)
11-ليش لما ابوك يقول حق ولد اخوك عفيه ولدي ..عاش ولدي فلان ما قصرت..انت تغاار وتموت قهر وودك انه قايلك انت هالكلام؟؟وتحقد ...عادي ترى مو شرط تكون احسن واحد بالدنيا J
12-ليش لما يعزمك صاحبك تتغدى فبيتهم تقوله لا اسمحلي بروح فرايدز او تشيليز ..وانت ما عندك ربع دينار بيجيبك..ليش الفشخرة الكذابه بس بعرف ؟؟اوووف اوووف
13-ليش كل واحد عنده انه الي يقوله ابوه صح حتى لو يدري انه غلط والمشكله يناشب الناس بهالكلام بعد؟؟يا اخي منو قالك انه ابووك فيلسوف زمانه ..!!
14-ل15يش كل ما اسال مصري الالقي جواب ؟؟متى الالقي مصري يقول معرفش ....من علامات يو م القيامه ادري :)
15-ليش نعيب على بعض الدريس نقوله(بوقليب مصري)والغبي نقوله (انت هندي)والكويتي شنو؟؟ معنى كل العيوووب بالكويتي بس خلوني ساكت
16-ليش البنات بالثانويه يتفخرون تقول انا اكلم فلان وفلان وموتره جذيه؟؟واهيا ماعندها تلفون اصلا؟؟ترى مو بالكثرة اهي على فكرة ...!!
17-ليش لما احد يقولك وين ساكن تقوله بالنزهه اوالضاحيه؟؟وانت ساكن بالقرين ؟؟شفيها القرين؟؟ اشكره انا ساكن بالقرين J
18-ليش البنات بالنت ما يقولون اسمهم الصجي ؟؟شهالهدف يعني ؟
19-ليش لما ولد عمك او ولد خالتك يطلع الاول على المدرسه تقول حق امك او ابوك عادي بالواسطه بالغش تقول اي شي المهم بتطلعه مو من ذراعه ؟؟الغيرة اوووف
20-ليش الشباب عندهم قاعده الي يشرب زقاير ريال ؟؟على اي اساس حسبوها؟؟
22-ليش الصبي لما يتحرش في بنت وما تعطيه ويه يقول حق ربعه وع اصلا جيكرة هذي حاصلها تكلم واحد مثلي والبنات نفس الشي بعد؟؟
23-ليش لما يسقطك الدكتور تقول عنه مو زين ؟؟وانت اصلا ما دوامت ولا يوم ولا بطلت كتاب الماده اصلا؟؟
24-ليش نصوم وما نصلي ؟؟
25-ليش نص دلاقاتنا مخرومه عند الصبع العود؟؟
26-ليش المدينين يسبون الامريكان والاجانب ويقولون لازم نقاطعهم ..وسيايرهم وتلفوناتهم واجهزة الكهربائيه مالتهم من عندهم؟؟
27-ليش الي مفلس يقول انا مالي خلق اطلع ولا مكان؟؟ليش ما يقول انه ما عندي فلوس مو عيب ترى ؟؟
28-ليش الي امه مصريه او سوريه او عراقيه او او او..يستحي الناس يدرون؟؟ليش هذا حلوة اللبن
29-ليش الكويتين لما يسافرون برة عبالهم شارين الناس بفلوسهم؟؟ اشوف فيكم يوم انشالله
30-ليش لما نطالع تلفزيون نحط كل القنوات الي قناه الكويت الاولى ؟؟لانها ........!!
سوري طولت عليكم بس انشالله القي ردود واجوبه على الاسئله واتمنى الي يعرف جواب اي سوال يحط رقمه والاجابه يمه واسمحولي اذ كانت قاسي على الشباب او البنات هذي مجرد اسئله لا اكثر ولا اقل ...!!وانشالله ما كنت ثقيل دم عليكم

تحياتي لقلمي ..واحترامي ..(؟؟؟؟؟)...!!