كثيرا وكثيرا ما سمعت عن موضوع (دراسه المرأة بالخارج )..!! وكثيرا ما طلب مني التعليق على هذا الموضوع خصوصا بالفترة السابقة ..وبحكم اني درست بالخارج وما زلت ادرس بالخارج ... لا اعرف بصراحه كيف ابدي هالموضوع لما فيه من حساسية كبيرة..والحساسيه تزيد باختلاف العادات والتقاليد ...سوف اتكلم بجرأه كبيره هذه المرة ..وذلك بحكم ما عودني عليه قلمي الجريء ..!!اسئله كثيرة ممكن انت تضع حول هذا الموضوع ..وايضا هناك اجوبه كثيرة وعديدة ومقنعة ..!!تعرضت وواجهت عده نقاشات عن هذا الموضوع ..سوف اطرح عليكم بعض هذه الاحداث .!!
1-(فلان) شنو هالمصخرة بنيه تدرس بره وين قاعدين والله الشره على اهلها الي مخلينها تدرس بره ..!!
2-بنت تجاوب بالمحاظرة على سؤال معين ..(فلان) اي طبعا لسانها طويل اكيد خو هذه لا اهل ولا حسيب ولا رقيب ..!!
3-بنيه تتمشى بالمجمع ....(فلان) اي خو انتي تطلعين وتردين متى ما تبين محد يدري شنو تسوين .!!
4- بنيه يايبه فل مارك في ماده معينة ... (فلان) اي شوووووف شنو مسويه حق الدكتور الي عطاها هالدرجة ..!
5- بنيه تاخذ اوراق حق الماده من صديق معاها بالكليه ...طبعا الردود السابقه نفسها ...!!
6- بنيه مسافره بروحها وراده بروحها من المطار ...!!
7- تروح وترد البنت باي وسيله نقل حق الجامعه .........!!
مواقف عديدة لا اريد الدخول بها ولكن كلها تفيد بأجوبة جارحة كثيرة ...كأنه اتصل شرف المرأه الذي يتكلم عنه فلان وفلان وفلان وبسهولة بدراستها داخل او خارج بلدها ولكن هالكلمة اصبحت تمثل رصاصه على اي امرأه ممكن ان تدرس بالخارج ..يا جماعة الخير انا لن اقف في صف احد بهذا الموضوع ولكن هل دراسه المرأه داخل بلدها يحميها ويثبت لنا انها شريفه عفيفه ... امممم شي غريب فعلا ... فمن الممكن ان البنت الي تدرس في بلدها ان تعمل اشياء لا تدخل العقل من غرابتها وبشاعتها وكلنا يعلم عن هذه الامور ..ولكن الان اريد ان اعرف لماذا البنت التي تدرس بالخارج تتعرض لهذا الهجوم ...؟واريد منكم قبل الحكم التفكير بعقلانية قليلا وليس بعشوائية وفرض رأي .. وهذا لا يعني ايضا انه كل البنات اللواتي يدرسن بالخارج شريفات عفيفات ...انا لا ادافع عن اي فكرة منهم ..ولكن لا اقبل ان تهتك المرأة بشرفها من قبل ألسنة بعض الناس...!!
فعلا هناك عراقيل وصعوبات كبيرة تتعرض لها المراه خارج وطنها او بيتها ..وشاهد شباب ايضا يتعرضون وينسحبون ويرجعون الي دايرهم لصعوبه الموقف ...ولكن لا انسى ايضا انه للمرأه مواقف مشرفه داخل وخارج ..وكم من مواقف تستطيع المراه الاستناد عليها ..لتبرر قوتها ..وعكسا لكل هذا الكلام فممكن ان ترجع على هذه المراه او الرجل نتيجه عكسيا ..وتعطيه قوه بالشخصيه ..لا يملكها شخص عايش بين اهله ...الدراسه بالخارج سلاح ذو حدين للمرأة وللرجل ... وبشتى المواقف والصعوبات والعراقيل فهذه الامور قد تعطينا مرأة ناجحة ورجل ناجح ...هناك مرأه قويه وهناك مرأه ضعيفة ..وهناك رجل ضعيف ورجل قوي ..وخير من يثبت ذلك التجارب ..فالتجارب ليش حكرا على الرجل .....!!لا اريد ان اتعمق كثيرا بالحديث ...لانه موضوع واسع النطاق من عده جوانب ..ولكن اريد ان اسمع ارائكم ومن له تجربة فليذكرها ..ونريد النقاش بعقلانية ورؤية الموضوع بنظرة تحضرية ولا نغفل ايضا صعوبات الموقف ..
1-(فلان) شنو هالمصخرة بنيه تدرس بره وين قاعدين والله الشره على اهلها الي مخلينها تدرس بره ..!!
2-بنت تجاوب بالمحاظرة على سؤال معين ..(فلان) اي طبعا لسانها طويل اكيد خو هذه لا اهل ولا حسيب ولا رقيب ..!!
3-بنيه تتمشى بالمجمع ....(فلان) اي خو انتي تطلعين وتردين متى ما تبين محد يدري شنو تسوين .!!
4- بنيه يايبه فل مارك في ماده معينة ... (فلان) اي شوووووف شنو مسويه حق الدكتور الي عطاها هالدرجة ..!
5- بنيه تاخذ اوراق حق الماده من صديق معاها بالكليه ...طبعا الردود السابقه نفسها ...!!
6- بنيه مسافره بروحها وراده بروحها من المطار ...!!
7- تروح وترد البنت باي وسيله نقل حق الجامعه .........!!
مواقف عديدة لا اريد الدخول بها ولكن كلها تفيد بأجوبة جارحة كثيرة ...كأنه اتصل شرف المرأه الذي يتكلم عنه فلان وفلان وفلان وبسهولة بدراستها داخل او خارج بلدها ولكن هالكلمة اصبحت تمثل رصاصه على اي امرأه ممكن ان تدرس بالخارج ..يا جماعة الخير انا لن اقف في صف احد بهذا الموضوع ولكن هل دراسه المرأه داخل بلدها يحميها ويثبت لنا انها شريفه عفيفه ... امممم شي غريب فعلا ... فمن الممكن ان البنت الي تدرس في بلدها ان تعمل اشياء لا تدخل العقل من غرابتها وبشاعتها وكلنا يعلم عن هذه الامور ..ولكن الان اريد ان اعرف لماذا البنت التي تدرس بالخارج تتعرض لهذا الهجوم ...؟واريد منكم قبل الحكم التفكير بعقلانية قليلا وليس بعشوائية وفرض رأي .. وهذا لا يعني ايضا انه كل البنات اللواتي يدرسن بالخارج شريفات عفيفات ...انا لا ادافع عن اي فكرة منهم ..ولكن لا اقبل ان تهتك المرأة بشرفها من قبل ألسنة بعض الناس...!!
فعلا هناك عراقيل وصعوبات كبيرة تتعرض لها المراه خارج وطنها او بيتها ..وشاهد شباب ايضا يتعرضون وينسحبون ويرجعون الي دايرهم لصعوبه الموقف ...ولكن لا انسى ايضا انه للمرأه مواقف مشرفه داخل وخارج ..وكم من مواقف تستطيع المراه الاستناد عليها ..لتبرر قوتها ..وعكسا لكل هذا الكلام فممكن ان ترجع على هذه المراه او الرجل نتيجه عكسيا ..وتعطيه قوه بالشخصيه ..لا يملكها شخص عايش بين اهله ...الدراسه بالخارج سلاح ذو حدين للمرأة وللرجل ... وبشتى المواقف والصعوبات والعراقيل فهذه الامور قد تعطينا مرأة ناجحة ورجل ناجح ...هناك مرأه قويه وهناك مرأه ضعيفة ..وهناك رجل ضعيف ورجل قوي ..وخير من يثبت ذلك التجارب ..فالتجارب ليش حكرا على الرجل .....!!لا اريد ان اتعمق كثيرا بالحديث ...لانه موضوع واسع النطاق من عده جوانب ..ولكن اريد ان اسمع ارائكم ومن له تجربة فليذكرها ..ونريد النقاش بعقلانية ورؤية الموضوع بنظرة تحضرية ولا نغفل ايضا صعوبات الموقف ..
برايي إنه الدراسه من حق المرأة والرجل
ردحذفوالشخص المحترم يكون محترم داخل الديره أو بره
وهالشي ينطبق على الطرفين
بالإضافة إنه الصعوبات تواجهة الطلبه والطالبات مو بس الطلبه
والشخصية القوية تقدر تواجه الصعوبات وتتوفق وتتخرج
لكن للأسف فيه عقول متحجره ترفض هالشي بشكل كبير
ما اظن الذين ممكن يعارض هالشي
لكن العرف والعادات والتقاليد اهيا الي تحكم
وهالأشياء مو صحيحة بنظري
سلالالام عليكم
ردحذفانا ضحية العادات والتقاليد اللي مالها مبرر بهالمجتمع خلوني اوقف على البكالريووس ,بتقولون في ماستر بالكويت, بس ماتنفعني الماستر بدون دكتوراه!!!
كلامك ميه ميه بس وين اللي يفهم
بس بصراحه انا اشوف ان الناس بدت تتفهم الوضع وبدى الموضوع يصير عادي بس طبعا هذا ماينطبق على اهلي :))))
مراااااااااايم
اول شي احب اشكرك على الموضوع
ردحذفانا الحين قاعد اعيش الوضع لاني افكر اني اكمل دراستي بره و مثل ماقالت مرايم لان في ماستر في لكويت يقولون "لا تفكرين في بره" مع ان الماستر ما يخدم تخصصي و صج ماستر بدون دكتوراه مامنه فايده
بس للاسف ليلحين المجتمع ما يثق بالمراه و ما ينصفها
و على قولتهم الشر يعم .... بس الي بتسوي شي ماراح تنطر انها تسافر بره عشان تسويه
NoNa
يسلموو عالموضووع النايس
ردحذفالصرااحة من رايي مو حلوة البنية تسافر تدرس بروحهايعني لو تروح مع امها ابوها اخوها احسن
والحين صاير اي شي تسويه البنية عيب مع ان الشي عادي وهاذي المخووخ المعقدة هالايام مادري شلون يفكروون شالمشكلةخوو خذت دروس من زميلها الشي عادي والله انا وحدة ما اهتم بكلام الناس دام انا مو مسوية شي غلط ودايما امي تقولي العمر يخلص وحجي الناس مايخلص دام انتي واثقة من روحج مالج شغل بكلام الناس فليش اعور راسي واهتم عاادي
مو يقولك
إذا هاجمك الناس وأنت على حق
أو قذعوك بالنقد...فافرح
إنهم يقولون لك: أنت ناجح ومؤثر
فالكلب الميت...لا يُركل
ولا يُرمى ...إلا الشجر
المثمر
فطاااف D:
من راي انه العادات والتقاليد اختلفت الحين عن قبل وماكو احد يماشيها .. مايت على البنت بس :) لازم على الريال بعد
ردحذفوعلى قولتهم الاول تحول واحنا الحين دشينا بعصر يديد والمرأه مركزها اختلف الحين .. والي مايقدر عليه الريال المره اقدرت عليه الحين
والي يفكر انه البنت تسافر وتروح وترد على كيفها فا هذا تفكيره متحجر ومتمسك على تقاليد اهو مو متمسك فيها ... من نظري مدام الاهل واثقين من تربيه بنتهم ماعليها من كلام الناس .. لأنه رايحه لغرض معين .. والي دايما يفكر انه البنت مو زينه بتصرفاتها يدل على تربيتها فهذا يعكس على نظريه الي فكر بهالشي :)
وانا من البنات الي يدرسون بالخارج والحمدالله اهلي يشجعوني ومتقبلين هالفكره والي معقد واسير افكار متحجزه فا انا اقول الله يساعده
يعطيك الف عافيه اخوي على هالموضوع :) يه بوقته
وموفقين يارب
تسلملي حبيبي على الموضوع الرائع :)
ردحذفاو انا عن نفسي ما اايد انه البنت الكويته تدرس بره لأنه هذا عيب او هذا الشي مافيه تخلف
بس كلنا شفنا صعوبة الغربه او ما نرظاها على خواتنا
يعطييييك العااافيه بوخالد على هالموضوع الحلوووو ياحلوووووو ....
ردحذفانا واحد من الناس ماأعارض فكرة انه اختي او بنت تدرس بره لأنه كلش مافيها عيب ولا شي ... بس مشكله اذا سألت احد معارض تقله ليش ماتأيد هالسالفه , يقووولك مااايسير , تقوله انزين ليش بس الصبي اوكي والبنت لا , يقولك لأنه ( ريال ) ...؟
والي يقولك ما أرضى اختي تدرس بره هذا يا ماعنده ثقه فيها , او ماعنده ثقه بتربيت اهلها حقها .. هذا طبعاً اذا ماقال سبب مقنع مثل انا ريال ..
خل نجرب شي ...
انقسم الشباب والبنات صنفين .
الصنف الاول الشباب والبنات المتربين .
الصنف الثاني الشباب والبنات الـــمومتربين .
راح انشوف انه المومتربين من الشباب والبنات راح يسوون نفس الاغلاط الي راح تسير سواء من الشباب او البنات .... حلال علينه حرام على البنات ...
ومشكله يقولك البنت ماتعرف تتصرف .. وبدال ماترد عليه قوووووله منو حاكم بريطانيا ؟؟ (اليزابييث)
بس احنا عرب ماتحكمنا حرمه ..
احنا مخنا متحجر وعندنا عادات وتقاليد ...
العادات و التقاليد:
هي العادات التي يفرضها الأموات على الأحياء
-
وشنو المشكله اذا البنت قعدت مع زميلها وفي مكان عام او مكان محترم ودرسو مع بعض @@ ؟؟
اييلك واحد ويقولك انا اقدر اسحب البنت اي مكان ابي , زين ليش ماخذ كل الناس بعقليتك ؟؟
يعني اذا انت جذي كل الشباب جذي ؟؟
تحياتي لمن دمر حياتي واحترامي للحرامي صاحب الأيادي النظيفه .
والله يعطيكم العافيه على الموضوع الحلو ..
ردحذفوحبيت اقول اني أأيد ان بالبنت تدرس بره ما اشوف انها عيب بالعكس البنت رايحه حق هدف معين هذا شي والشي الثاني مو الكل نفس التصرف في منهم الزين الي هدفها تاخذ الشهاده وترفع راس اهلها وتحافظ على شرفها وهذا النوع من البنات الي متربين صح والنوع الثاني البنات الي على قولتهم دراسه ولعب ولا خلت فيها شرف ولا سمعه طبعا" كل واحد يعرف قدر نفسه .. بس في نااس تأيد وناس تعارض وناس ما يعجها هالشي مره وحده وتقولي عادات وتقاليد والناس متفتحه الحين وهذا التفتح ان بنت تدرس بره مو غلط ولا تفتح سلبي لا البنت تأمن مستقبلها لان الله مو كاتب لها تدرس داخل ديرتها فتروح تطلع تحقق هدفها .. والي بسيمع كلام الناس يضيع والله فأحسن شي لحد يعطي اي اهتمام حق كلام الناس خاصه اذا كان في انتقاد لان ما يودي لا اييب وبالعكس الي يعطي اهتمام راح يأثر عليه سلبي بنفسية الشخص فدخل الكلام من الاذن وطلعه من الاذن الثانيه ورسالة حق كل واحد متغرب مثلي والله يوفقنا انشالله ونرجع نرفع راس اهلنا ..
(( يااا غريب كن أديب ))
خوش موضوع اخوي بوخالد..وهذا موضوع يصير فيه كثير من التناقضات بين الناس لان مثل ما قلت يجمع العادات وتقاليد وتطور الحصر الحالي و((حقوق المرأه))...
ردحذفوانا قريت اراء الموجودين وشفت فيه كثير من التناقضات الي صارت بين جميع الاطراف..
وعن نفسي:انا عن نفسي ما اعارض هذا الشي لا بلعكس انا اايده لاكن بشروط مثال على هذا الكلام اختي تدرس بره والوالد وافق بشرط ان يكون اخوي و امي معاها..لان اذا بناخذها من ناحية الدين الله سبحانه وتعاله راح يحاسب الوالد على ان تسافر بدون محرم واذا بنتكلم بلمنطق مو شرط يكون الاهل معارضين عشان انها تخترب لا بلعكس في اهل كثير عارفين تربية بنتهم وتفكيرها بس الخوف عليها لان مثل ما قلت في ريايل ما استحملو الغربه فما بالك البنت..وبخصوص الشباب الي اذا شافو وحده متغربه وقولون عنها كذا وكذا هذا لان تفكيره وتربيته هابطه لان لو بفكر اوكي انت تقول عن وحده متغربه هذا الكلام ما فكرت شنو بقولون بلكويت عن وحده من خواتك او وحده تصيرلك لما تطلع بروحها بوقت متأخر راجعه من بيت يدك ماكو احد يقطها او بتروح الجامعه من الساعه 8 الصبح وبترد الساعه 6 شنو يظمنلك انها بلجامعه..وثالث نقطه بخصوص البنت اذا تسوي شي بره الكويت او داخل الكويت هذا يعتمد على التربيه بلكويت الحين حتى الشرب توفر والخراب توفر والبنت اذا تبي تخترب تخترب بره الكويت ولا داخل هذا كله على تربيتها اذا بنشوف وبنقيس على هذا الكلام كثير بنات بلكويت يشربون ودخنون وشيشوون وسوون اشياء اطيح من سمعتها فأكيد اذا راحت بره بتخترب اكثر يعني معناها اهيه بلاساس مختربه من داخل..فمايصير نجمع كل الي بره خربانين او كلهم زيني لان الرسول صلى الله عليه وسلم قال (( الخير باقي في امتي الى يوم الدين))
وعلى قولتهم (( لو خليت خربت ))
ومثال على هذا الكلام:-
(( لو شفت ثوب ابيض وعليه بقعه سوده شنو راح اطالع.؟ الجواب ..البقعه السوده..))
خلاصة الكلام حسن الظن بلاخرين لان لو بتقول شي عن بنت او بتتهمها بأي كلمه تذكر ان وراك اخت وراك امك وراك بنت عمك وبنات خالك وممكن تحوشهم مواقف تعكس شي يشوه سمعتهم..
يمكن طلعت عن الموضوع الاساسي بس قلت وشملت كل ما يعنيه الكلام الي قلته يا بوخالد انت على راسي وربي يحفظك ان شاء الله من كل شر وتتحفنه بموضوعاتك الي تترك للانسان مجال لتفكير وابداء رأيه بدون اي زعل ولا حزازيه...
:)
صح لسانك اخوي طلال الدوسري , بس في احكام في الدين قابله للتغيير مع تغير الزمان و المكان , علشان يقدر يتكيف عليها المجتمع الاسلامي , والحين نادر ماتشوف احد ماعنده التزامات سواء دراسه ولا شغل ولا بزنس او مرتبط في اسره , يعني انته حلك يقول لازم انخلي احد من العايله يضحي بشغله ولا التزاماته علشان تقدر تسافر البنت تدرس بره , واذا ماقدر يا انخلي البنت تدش المعهد التطبيقي واهي كانت طموحها تسير دكتوره مثلاً , او انخليها بالبيت تطبخ وتغسل , او تشتغل اي مكان بواسطه :)
ردحذفوشكراً :D
صح ابدنك اخوي محمد..انا معاك يمكن قابله لتغير بس انت لما تطرقت وتكلمت بنقطه من كلامي الي اهيه (( المحرم )) وهذا غير قابل لنقاش في هذا الموضوع ان مايجوز للبنت انها تسافر بدون محرم في ناس يطبقونها وعادي عندهم البنت تسافر بدون محرم كل شي وارد في هذا الزمن بس انا تطرقت فيه من وجهة نظر..وصح يمكن تقول ان لازم احد من العايله يضحي شنو بيدك تسويه اذا هذا الدين انا ماقلت لا مايصير وعقدتها لا بلعكس حطيتها بطريقه ان في حل غير انك تقول لا..
ردحذفوالحين وصلنه لي درجة ان الجامعات فيها انتساب فيعني ماراح اتخلي البنت على طول في غربه لا بالعكس تروح فتره وترد ويكون معاها محرم ما اعتقد لا اخوها او ابوها راح يقصر في هذا الاساس ولو تروح تشوف الاهل الي معارضين راح تلقاهم كلهم يوافقون على سالفة الانتساب..
واشكرك انك فتحت معاي باب النقاش والتحاور..
عفواً :)
ردحذفليش غير قايل للنقاش ؟؟
الدين رحمه , واذا انته وانا وغيرنا قالو غير قابل للنقاش جذي راح نحرم هالبنت من ابسط حقوقها الي اهي الدراسه , وآخر شي انقطها براس الدين :)
خيي طلال , حته الانتساب اقل شي لازم تقعد شهر , وبيني وبينك هم الانتساب مو حل , انا ادرس بجامعة القاهره وماكو دوام بس انتضام , جنه رايح انتساب , ماحسيت بالحياة الجامعيه الي انا المفروض اعيشها الحين :) وانا رايي في الانتساب يكون حق الي يبي يكمل ماجستير مثلاً ويشتغل بديرته :) علشان جذي حطو نظام الانتساب
واحترامي لك ولوجهة نظرك :)
صح الدين رحمه وانا معاك بهذا الكلام..بس الي اخالفك فيه ان في شغلات عندنا في الدين لا تحمل القسمه على اثنين ويمكن تقول ان لا تقدر تتساهل في هذي الامور او انك تقول ان في الحلات الضروريه البنت تقدر تسافر بدون محرم والدين رحمه مثل ما قلت..وانا اشوف من وجهة نظري الدراسه مو شي ضروري اقصد الماجستير والدكتوراه اهوه طموح اكثر من اهوه ضروري في حياتها وهذا عيب بلكويت في ماجستير بس مافيه دكتوراه.. وانا ما قلت ان تروح تدرس بالتطبيقي او غيره لو اهيه ما اتشد حيلها بثنويه وتحصل على معدل عالي بعدين تقول مايخلوني ادرس بره هذا سوء تقصير منها بعدين يقولون اهلي اهمه الي قتلوا طموحي والحين بتقول يابت معدل مايدخلها المكان الي تبي اوكي تقدر تاخذ كورس بس غير مقيده تشد حيلها ودش الي تبي هذا حل..
ردحذفبس يا اخوي اذا بتقول إن يجوز للبنت تسافر من غير محرم هذي من وجهة نظري غلط انا ماقلت عشان تسوي شي لا بلعكس لان انا انسان احسن الظن بلاخرين بس تربيتي ماتسمحلي اخلي اختي بره الديره بدون محرم لان هذا الشي في الدين وانا اعتبره شي الزامي..
ووجهة نظرك الي فهمتها انك تسمح إن احد من اهلك يسافر بدون محرم وكل واحد وتربيته وفهاميته لدين لان تفكيري انا لدين وتفكيرك وتفكير كل شخص في الدين تختلف عن الثاني..
وعلى راسي كل الكلام الي قلته ولك كل الاحترام وتقدير..
1:خيي انا لمه قتلك تكمل ماجستير ماكان موضوعنه عن الدراسه نفسها اذا كانت ضروريه ولا لأ , كان موضوعنه عن الانتساب :)
ردحذف2:الي يحط في باله هدف يحققه يحققه لو يسوي المستحيل , مثلاً انا كان طموحي ادش ظباط , بس ديرتك كلها وسايط , ومعدلي مو ذاك الزود , قلت ادش حقوق في مصر دام انه معدلي مايدخلني جامعة الكويت وماكو واسطه , واحول بعدين .. هذا تسميه اجتهاد ولا تقصير مني ؟؟ :) حته لو تعتبره تقصير المهم اني حققت الي كان في بالي , معنه كنت شاد حيلي بالثنويه بس الله ماكتب
3:انته تقول انه البنت ممكن تدرس بروحها بدون محرم في الحالات الضروريه وآخر كلامك تقول انا ماأسمح حق احد من اهلي يسافر بدون محرم , يعني اول شي ايدت وبعدين عارضت :) بين قوسين في تناقض شويه :)
4:اذا تبي تمشي على العادات والتقاليد القديمه في اشياء وايد المفروض ماتسويها بحياتك واقلها ماتلبس جينز وتيشيرت لأنه هذي العادات والتقاليد مو من عاداتنا :)
5:وعلى فكره الموضوع عن الدراسه في الخارج مو السفر بدون محرم :)
وعلى قولة الربان :P~
كيـف نفخر ونحنا في تناقض عايشين
نحتسب احياء ونحنا في الحقيقه ميتين
ما اتعضنا من التجارب
الناس قد وصلوا الكواكب
-
يسلملي راسك يالغالي :*
في جم شغله انت فاهمها غلط :)
ردحذفولو تلاحظ كلامي مافيه اي تناقض ركز بكلامي عدل..
1-انت تقول انتساب او ماجستير في الحالتين سوه كلهم دراسه البنت ماتقدر تدرس دراسه كامله الي اهوه دوام كامل ماعندها غير انتساب او مراح يخلونها اهلهاالى اذا معاها محرم هذي من وجهة نظري..
2-لا بلعكس هذا اجتهاد منك ومراح اقول هذا ماله شغل في الموضوع بعتبره سؤال منك
3-لا انا ما اقصد في الدراسه انا اقصد في العلاج وابسط مثال على كلامي((امها مالها علاج الى في الخارج وماكو الى يا اهيه او اختها تروح معاها فتروح بدون محرم ))..
4-انا ماقلت تمشي على العادات وتقاليد ولا تطرقت فيهاانا تكلمت المحرم والدين وقلت كل واحد فاهم الدين بطريقته..
5-وشلون ماله شغل الموضوع المحرم في الموضوع الي اكتبه بوخالد الموضوع دراسة البنت في الخارج وانا وجهة نظري البنت ماتدرس بره بدون محرم..
حبيب والله اخ محمد :)
السلام عليكم ...
ردحذفدايما مواضيعك هادفه ومميزه
.... بصراحه أنا من أشد المعجبين بمواضيعك
ورايي في الموضووع
دام البنت عندها فرصة انها تطور من روحها وتبني مستقبلها وحياتها العلمية
وتزيد معرفتها ..ليش ما تروح؟!!بس لانها بنت !!!
في بنات قد المسؤلية اكثر من الرجال وقوة احتمالهم اكثر
واهم شي تربية البنت وثقة اهلها فيها
احترام النفس .. و قوة الوازع الديني .. خاصة ان فيها نوع من الغربة و الوحده
اذا كانت البنت متربية على اصول الدين والعادات والتقاليد فلا خوف عليها من الغربه لانه هذة الاشياء لا يغيرها المكان ولا الزمان
(( اطلبوا العلم ولو في الصين ))
بغض النظر اني بنت بس انا من المؤيدين لاكمال البنت دراستها بالخارج
يعطيك الف عافيه بو خالد على طرح الموضوع
إلى الامااااااااام ومزيد من المواضيع الهادفه
تحيـــاتي " pinky lipes " (*_^)
اوكي بركز :P
ردحذفزين حته لو ماداومت دوام كامل على قولتك لازم تروح تحظر امتحانات , ويبيلها دكاتره يدرسونها وخل نفترض صارت ظروف محد قدر يروح وياها , تظيع من عمرها سنه ؟
على طاري الاجتهاد , انته تقول اذا مايابت معدل يعتبر تقصير منها بعدين تقول اهلي مايخلوني ادرس بره , انا قتلك حالتي , ويقدر اي واحد سواء بنت ولا صبي تسوي الي سويته . جميييل ؟
وخلك من الدراسه او العلاج المهم انك مأيد الفكره انها تسافر بدون محرم .. واتقول انا ماأخلي اختي او اي احد من اهلي تسافر بدون محرم , وهذا التناقض :)
والمفروض من الاول تقول انا ماأأيد هالفكره لأنه انا ماأرضى انه خواتي او اهلي يسافرون يدرسون بره بروحهم (بدون محرم) , بس مو بجميع الظروف :) , لأنه هذي وجهة نظرك , ووجهة النظر تكون ماشي عليها سواء ويه اهلك بالبيت او الناس الي بالمجتمع :) علشان ماتكون متناقض .
--
وشكراً :)
بصراحه بو خالد الموضوع وايد شدني و أحب أحط رايي الشخصي فيه
ردحذفانا في رايي يعتمد على شخصية البنت
و سفر البنت للدراسه صار شئ عادي
وما اعتقد انها بضروره تحتاج الى محرم بس اذا كان موجود المحرم كان بها بس اذا ما انوجد موشئ ضرورى
و البنت نفسها لما ترووح الى غربه يمكن تكووون اقوى من الولد لانها تقدر اتها تتحمل المسؤوليه و معرووفه البنت اشلون انها تقدر تتحمل المسؤوليه و خصوصا بنت الخليج وانا قاعده اشووف وايد بنات راحوو وادرسوو بره ورجعو بأعلى الشهادات واكبر دليل شوفوا المستشفيات الحين وقاروناه بقبل رااح تلاقون الاطبااء النسااء في تزااايد
أدري اني طولت عليكم بس الموضوع متفرع وصعب اناقشه بصفحه وحده :))
بس بقوول شي انا مع سفر البنت الى الخارج لكسب العلم و التعلم حتى لو كااان خارج بلادنا الخليجيه
تحياتي " fyonka 7mrh "
احمممممزز
ردحذفانا وصلت :d
ندخل في أعماق الموضوع :p
انا عندي قاعدة فالحياة : الي محافظه على نفسها فالبيت .. بتحافظ على نفسها خارج البيت .. !
يعني : مب شرط اذا سافرت تكون سوت جريمه يعاقب عليها المجتمع !
ياما شفنا بنات سافرو و درسو و ردو رافعين الراس و محد تكلم عنهم .. << لييش محد تكلم ؟؟ لأن البنت محافظه على عمرها من كلام الناس .. و (خايفه ربها) < تحتها خطين !
يمكن اعارض ع الفكره .. لأن الدين ما يسمح سفر البنت بدون محرم .. ماعرف يعني اذا سافرت عشان تدرس .. عادي تكون بروحها بدون محرم ؟!
امممم .. بعدين ليش البنت ما تكمل دراستها فبلادها و بين اهلها اذا التخصص الي تباه موجود ؟!
لأناذا بتسافر لازم يكون معاها محرم .. لأن سفرها بدون محرم شي ما يرضي الله ^^ ..
هذا تعليقي ع الموضوع ..
و مشكوور اخوي ع الموضوع الحلوو ..
مبدع كالعاده ^^ ..
واثقة الخطوه~* .. خطفت ع السريع من هنا :d
تسلم ايدك على الموضوع المهم المفيد انه نناقش فيه
ردحذفلما له من اهميه في المجتمع
احلا شي فيك يا بوخالد انك دايما تسأل اسأله فعلا تحير بكتاباتك وتخلي الواحد صج يفكر ليش الناس جذي ..
ردحذفبالنسبه لموضوع السفر للبنت بالخارج انا ما اشوف فيها شي لانه اهم شي المستقبل والشهاده ومحد يفيد احد بهالزمن بس بعض العوايل مايرضون لاسباب وايد ومو شرط يكونون مو واثقين فيها او متخلفين لا بالعكس ساعات سكون خوف منهم على البنت لانه مهما كان الولد ما ينخاف عليه كثر البنت لانه يقدر يدبر روحه بكل شي وبصراحه هالزمن يخوووف الحين اهما بناتهم معاهم بنفس الديره وجدام عيونهم ومو سالمين من هالناس عشان يخلونها تتغرب بروحها ..
عالعموم اللي يبي الشـي وحـابه يركض وراه كثر ما يقدر عشان يوصل لهدفه ويحقق حلمه..
وكل اهل لهم وجهة نظرهم واسبابهم اللي اذا كانو رافضين الفكره ..
وبالنسبه للي يتكلمون عن البنات ومو عاجبهم احد هذيل ناس فاضين وماعندهم شغل غير الحجي بظهور الناس وعلى قولتهم :
( لو كل كلب عوى القمته حجرا .. لصار الحجر مثقالا بدينار )
واللي بيسمع كلام الناس راح يتعب ..
احسن الشي الواحد يطنش لان الكلاب تنبــح والقافله تسير
عمومـــا .. يعطيــــــــك الـف عافيــه يا بوخـالـد عالموضوع الحلو ..
والاختلاف بالرأي لا يفســد للـود قضيـه :)
اول شي بس حبيت اعقب على كلام احد التعليقات الي يقول العرب ما تحكمهم مرآه هذا تخلف أو تفكير حجري ..
ردحذفاخوي استغفر ربك لأن هالكلام قاله الرسول عليه الصلاة والسلام .. قال (لعن الله قوم تحكمهم امرأه) .. استغفر ربك عدل وتعوذ من ابليس ..
نرد حق موضوعنا بوخالد ..
عن نفسي ما اعارض فكرة دراسة البنت بالخارج .. بل بالعكس من اشد الموافقين عليها اذا كانت ضروريه لمصلحتها .. لأن الجيل القادم هو جيل ناس متعلمه وفاهمه وما راح يفيدك لا اصلك ولا مكانتك الاجتماعيه اذا كنت انسان فاشل دراسيا .. الكل راح يتكلم معاك بسطحيه دون تعمق لأنك انسان مو متعلم .. طبعا هالكلام للشباب والبنات ..
بس بشرط ان اخوها\ابوها معاها .. لأن الدنيا تخوف صراحه .. مو اني اشك بالبنت نفسها .. بس لأن هالشباب ما يخلون احد بحاله .. وماتدري ضروف مالها سند برى ديرتها .. احنا الشباب وعلينا خطر .. اشلون البنات ؟ خصوصا حوادث الاغتصاب .. وابليس ليلحينه عايش .. ماتدري شنو يلعب في راس الشباب الي يشوفونها داشه وطالعه من البيت .. حتى لو كانت شريفه بتييها نظره الشهوه .. وبيدورون اقرب فرصه للانقضاض على فريستهم ..
اوكي البنت ممكن تقول عني متخلف .. بس صدقوني لو بنت تشوف نفسها بعين واحد شاب .. مو بتتحجب حجاب افغاني .. الا ما راح تطلع من البيت من الخرعه ..
ارد وقول موافق تحت شرط وجود محرم حتى لو كانت اشرف الشريفات لأن الموضوع ما يتعلق في سلوكها او ثقتنا فيها .. بل من البيئه المحيطه فيها
اول شي بس حبيت اعقب على كلام احد التعليقات الي يقول العرب ما تحكمهم مرآه هذا تخلف أو تفكير حجري ..
ردحذفاخوي استغفر ربك لأن هالكلام قاله الرسول عليه الصلاة والسلام .. قال (لعن الله قوم تحكمهم امرأه) .. استغفر ربك عدل وتعوذ من ابليس ..
-----------------------------------------------
لاتعبير
وتستمر عملية التخلف الفكري
ردحذفالسلام عليكم ,,
ردحذفكالعاده ابدعت في الطرح و اسلوبك رائع جدا و تستاهل 11 من 10 ^_*
بصرآحه انا أشوف ان دراسة المرأه في الخارج شي عادي و انا ماأرفض هالفكره واشوف ان فيهاشي غلط .!
بس المفروض ان حد من اهلها يرآفقها لان المرأه تحتاج حد يكون وياها و يكون سند لها ,, لانها ممكن تمر في ضروف تحتآآج فيها حد يكون وياها .. و المفروض انها ما تسافر بدون محرم ..
و تشكرآآآت ..
emaratia vip مرت من هنآآآ
ممممممممممممم موضوع سفر المراة عشان تدرس للخارج اوكي مافيه مشكلة البنت تبي تتغرب وتسافر لهدف واحد انها تتعلم
ردحذفبس اهم شي تاخذ محرم معها يعني عشان كلام الناس ولو انه كلم الناس مايهم ...عالعموم فيه بنات يسافرون برة يتغيرون يعني مثلا البنت بديرتها تلبس الحجاب قدام اهلها بس لما تسافر لبرة تفسخ الحجاب بحجة انه مافيه احد يشوفها واهي ماتعرف انه الله يشوفهاوفيه بنات العكس تماما يسافرون برة متمسكين بحجابهم يعطون انطباع حميد عنهم يعني مو كل الاصابيع واحدة هذا يعتمد على ترباية الاهل لبناتهم وتغريس اصول الدين فيهم ...
مشكور على المواضيع الحلوة بو خلود
اسيرة الصمت...